VG3 Gartnarnæring

Når du utdannar deg til gartnar, får du ei treårig utdanning som byggjer på Vg2 landbruk og gartnarnæring. Etter tre år har du yrkeskompetanse, men om du ynskjer, kan du og ta eit fjerde år med Vg3 studieførebuande naturbruk eller Vg3 påbygging til generell studiekompetanse for yrkesfaglege utdanningsprogram.

Dette kan vere aktuelt om du ynskjer ei høgare utdanning innan gartnarfaget. Det er og ein aukande etterspurnad etter personar med høgare utdanning innan gartnarnæringa. Universitetet for miljø og biovitenskap på Ås har fleire spanande utdanningar som kan vera aktuelle.

Ein gartnar driv produksjon, sal og vedlikehald av planter, både i veksthus og utandørs.
Du lærer å dyrke stauder, buskar, tre, potteplanter, snittblomar, frukt og bær.
Du lærer om planter og plantebruk for rettleiing av kundar i hagesenter.
Du bør ha interesse for planter og lika at det gror rundt deg.
Du kan fordjupa deg i emne innan gartnarnæringa, som planteskuledrift, grønsaker, frukt og bær eller blomsterproduksjon.

Aktivitetar gjennom skuleåret:

- praksis i gartneriet, planteskulen, frukthagen, grønsaksavdelinga og parken
- øving i bruk av traktor
- utplassering i bedrifter
- turar og bedriftsbesøk
- kurs og fagsamlingar for næringa
- gartnarbedrift (læra å driva bedrift)
- fordjuping i hagebruksemne du er interessert i

kor kan du jobba:

Som gartnar kan ein jobba i veksthus, planteskule eller hagesenter. Ein kan og jobba med frukt-og bærdyrking eller grønsakdyrking innan produksjon eller omsetning. Organisasjonar i jord- og hagebruk har og bruk for gartnarutdanna folk.

Inntakskrav:

Vg2 Landbruk og gartnarnæring
Hjeltnes vgs tilbyr og gartnarutdanning på deltid for vaksne.